12 مايو 2010

المفتون بيفتوا واحنا معاهم

السلام عليكم
اولا فى البداية انا بقالى كتير مش بكتب فى البلوج بتاعتى بس ليها سبب بامانة
انى الفترة اللى فاتت كنت مرهق بكشل كبير قوى
وبسرعة عاوز ادخل فى موضوعى
سوال كدة فى الاول
هو اية حكاية البرامج الدينية والقنوات الدينية ؟
اولا مافيش حد فينا ابدا ابدا ابدا
يكره انه يتعمل فى الدين
ولا يكره انه يفهم ويعيي دينه
ولكن مش بالمنظر دا
دا ولا دار الافتاء الرسمية
انا كل ما باقلب الاقى قناة وواحد لابس جلباب
اعقد اسمع
يا شيخنا العظيم وياريتك كدة
انت بتفتى فى اية
واد قاعد عمال يتلقى فتاوى على التليفون ويرد وهوة قاعد
سيادتك انت بتعمل اية
بتفتى فى مين بالظبط
يا شيخنا دى فتوى
شروط الفتوى اية
انت بتعمل بيها
واحد بيحكيلك موضوع عشان ياخد فتوى منه
انت سمعت الطرف الاخر
ابن تيمية رحمه الله
كان بيعقد شهور فى فتوى واحدة
مش بيعقد دقتئق فى 20 فتوى على الهاتف
ازاى
دا على اساس انك احسن من الشيخ ابن تيمية يعنى ولا اية
ومافيش مانع
بس مش بالاسلوب دا
ثم الحاجة التانية
برامج تفسير الاحلام
لا دى بقى عسل ابيض وعلية مربى تين
برامج قاعدة مالاهايش اى لازمة
لا والاغرب ان كل الاحلام اللى بتيجى لهذا الشيخ بالذات
يا اما رزق
يا اما ولد او بنت
يااااااااااااااااااة
مافيش مصيبة
مافيش كارثة
مافيش اى حاجة غير كدة
اية يا شيخنا
انت بتعمل اية
انت شغال تفسير احلام كدة ازاى
انت واعى للى بتقولة
ازاى
لا الا اله الله محمد رسول الله
اهدوا شوية يا جماعة بجد
ماحديش ضد الدين او التفسير او تفسيير الاحلام
بالعكس
ولكن لما يكون بمصداقية وعلى اسس هذا العلم
دا علم يا جماعة
الناس بتعقد تدرسة سنين من عمرها
مش قاعد يقول حلال وحرام ومكروه
اتقوا الله
اتقوا الله
اتقوا الله

11 يناير 2010

حياتى مع الله سبحانه وتعالى

بصراحة حابب يكون اول جزء فى حياتى
مع الخالق العظيم
المبدع
الذى خلق كل شى بمقدار
وعالم الغيب والشهادة
الله سبحانه وتعالى شى حوالينا
بنشوفة كل يوم فى مليون حاجة
ربنا سبحانه وتعالى جوانا
وانا صغير كنت بسال سوال
هوة ربنا فين
يعنى ربنا شايفنى
طيب شايفنى ازاى
طيب ربنا ماسك السماء والا كانت وقعت على الارض
طيب ماسكها ازاى
يعنى عنده ايد ماسك بيها السماء
وبيرزق كل الناس
طيب ازاى
الناس دى كلها ربنا بيجبلها قوتها منين
لا اله الا الله
فعلا اسئلة محيرة
واللى يحيرك اكتر بقى مش كدة
لا
ربنا يوم القيامة هايحاسبنا ازاى
يعنى شوف كام مليار
هايتحاسبوا ازاى
دا اليوم دا
يوم القيامة يعنى
مقدارة 50 الف سنة مما تعدون
يعنى قد 50 الف سنة من بتوعنا دول
لا واللى يحيرك اكتر واكتر بقى الاتى
ربنا هايحاسبنا على اية ولا اية
بمعنى
لو واحد ماشى فى حياتة كويس جدا
ومحترم
وجدع
وبيعمل خير
وبيساعد الناس
بس عمرة ما ركع ركعة لربنا
دا هايتحاسب على اى اساس
طيب والعكس بقى صحيح
لو واحد بيصلى ويصوم ويحج ويذكى
بس عمال يسب ويلعن فى الناس
ويشتم ويضرب
وياذى الناس
دا هايتحاسب على اية
لا وفى تانى
ربنا هايحاسبنا على افعالنا ولا قلوبنا ونيتنا
ما هوة بردة النية محلها القلب
والافعال اهية قدام الناس
ظاهرة وواضحة وضوح الشمس
بس انا مقتنع بشى مهم جدا
ان ولا واحد يعرف يجاوبك على الاسئلة دى
مش لانها اعجاز
لا
لان الله سبحانه وتعالى اختص نفسه بيها
ولو كانت ليها اهمية معانا كنا عرفناها
يعنى هاتسفيد اية لو عرفت السماء مرفوعة ازاى
هاتستفيد اية
ولا حاجة
خلاص
مالكيش دعوة مرفوعة ازاى
واراهن اى شيخ بيجى على الفضائيات بالذات دول
كدابين الزفة (الا ما رحم ربى ) يقولك
دول يعرفوا يهرجوا
يقولك هايجيلك ولد
لا بنت
هاتحصلك مصيبة
وكان يا اخى كل الاحلام كدة
يا ولد يا بنت يا مصيبة
مصيبة تاخدك يا اخى
اية دا
بقى علم الاحلام هوة دا
حسبى الله ونعم الوكيل
ولا اللى يطلع يقولك
المفتى فلان الفلانى
اى سوال يجاوب علية فى الحال
ويتصل واحد ويقولة
حصل كذا كذا
اية الفتوى
حرام
لالالالالالا
حلال حلال حلال
ولا اقولك
مكروه
يعنى عشان مايدخليش نفسة فى سكك مش بتاعتة
لا والله
دا بقى الفتاوى بقيت كدة
حلو قوى
عاوز اخرج من كل الكلام دا بحاجة
ان ربنا موجود
واللى عاوز يشوف ربنا يراقب ربنا فى كل شى
وان كنت مش عارف تراقبة فاعرف ان ربنا بيراقبك
فخليك كويس
وامشى صح
وزيى ما قال عمنا صلاح جاهين

ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!


وخلص الكلام

10 يناير 2010

مش عارف ابدء ازاى

بالظبط كدة
مش عارف ابدء منين ولا ازاى
بس الاهم انى عاوز ابدء
فخلاص بقى
احد اعز الشخصيات على قلبى قالى
فيما معناه خلى بالك من اللغة المكتوب بيها
وكلامها صح جدا بصراة
بس حاولوا تعذرونى يا جماعة
انا باكتب بطريقتى
يعنى باكتب اللى عاوزة فى الوقت اللى عاوزة بالشكل اللى عاوزة
وعشان كدة
هاتلاقونى باكتب بالعامية وشوية فصحى
مش تستغربوا قوى
لا وشوية هاتلاقونى باتكلم بالانجليش
مافيش مشكلة
المهم اننا نوصل للى احنا عاوزينة
مش كدة ولا اية
بس عاوز اقول كلمة ابدء بيها
كلامى دا عن الحرية
والانسان اللى مش متقيد باى قيد الا بقيد الله سبحانه وتعالى
اللى هوة مش قيد
فاللى مش ناوى يغير افكاره او يتناقش بموضوعية
يتفضل من البداية بعدم الاشتراك او القراءة
واذا كنت من اصحاب الحرية فى التفكير
اهلا وسهلا بك سيدى الفاضل
تحياتى ولنبداء سويا ايها الاحرار
وفى النهاية اهديكوا احد اروع رباعيات استاذى
صلاح جاهين

أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!

تحياتى
محمد زيدان

حياتى عنوان المدونة

بداية سلام
انا غيرت التفكير
غيرت الشكل
وغيرت المضمون عن حياتى
وجدت اخطاء وقعت فيها
ماحديش معصوم من الخطا
ولاقيت نفسى لازم اصلح
طيب يا واد اصلح ازاى
قررت انى ابتدى من جوة
وماحديش اصدق من نفسة
عشان كدة
قررت
انى اعالج الاخطاء اللى عندى
لو سالت واحد عن اخطائى هايقولى
عصبى
متهور بعض الشى
لكن ماحديش يعرف الاخطاء قدى
وعشان كدة
هابتدى باول خطا الناس مش شايفاة عندى
طبعا مش هاقول
بس فعلا هابتدى انفذة
وادينا قاعدين وهاقولكوا نفذتة ولا لا
بس هايكفينى انى هابتدى انفذة واخرج من القمم بتاعى

ادعولى
محمد زيدان

الى من كانت حبيبتى

منذ زمن بعيد وانا لم اكتب شيئا فى مدونتي
لم اعرف كيف اكتب
وماذا اكتب
بل ولماذا اكتب
فالماضي الذى اعيش فية اقوى منى
ومن قلبي ومن كل شى
سيداتي انساتي سادتى
رسالتي ليست الى
بل
الى من كانت حبيبتى
انتى مشيتى وخلاص ومافيش امل فى الرجوع لانك اضعف من الرجوع اصلا
عادى جدا
ومافيش مشاكل
مايهمنيش قوى كلامك عليا اية
بس عاوز اقولك كلمة صغيرة
انتى كنتى لدى كل شى
والان لم تعودى تساوى لدى شى
اتمنى ان تعودى الى احبائك فى الماضى
الثلاثة
تعودى الى مذاكرتك
بعدما حاولت مرارا وتكرار مساعدتك فيها
ان تعودى الى نفسك
التى كنت انا احن عليها منك
ان تعودى الى الله
الله الذى نسيتى انه خلقنا
الى من كانت حبيبتى
لم اعد احبك
بل
ولن اعيش على ذكراكى
فالوقت يمر سريعا
ويجب ان اثتمره
الى من كانت حبيبتى
الرحيل
ثم الرحيل
ارحلى من اجل نفسى
وفى النهاية
سلام ولا بلاش لانك بتضايقى منه
انتهى

7 مايو 2009

بحبك يا لبنان يا وطنى

بحبك يا لبنان يا وطني بحبك 
بشمالك بجنوبك بسهلك بحبك 
تسأل شو بني و شو اللي ما بني 
بحبك يا لبنان يا وطني 
عندك بدي إبقى و يغيبوا الغياب 
إتعذب و إشقى و يا محلا العذاب 
و إذا إنتا بتتركني يا أغلى الأحباب 
الدنيي بترجع كذبة و تاج الأرض تراب 
بفقرك بحبك و بعزك بحبك 
أنا قلبي عاإيدي لا ينساني قلبك 
و السهرة عا بابك أغلى من سني 
و بحبك يا لبنان يا وطني 
سألوني شو صاير ببلد العيد 
مزروعة عالداير نار و بواريد 
قلتلن بلدنا عم يخلق جديد 
لبنان الكرامي و الشعب العنيد 
كيف ما كنت بحبك بجنونك بحبك 
و إذا نحنا إتفرقنا بيجمعنا حبك 
و حبة من ترابك بكنوز الدنيي 
و بحبك يا لبنان يا وطني


"غناتها السيدة فيروز "كلمات والحان الاخوين رحبانى

5 مارس 2009

قلم واتنين واتجمعت الناس

كنت فى مشوار النهاردة
ومروح فى امان الله 
لقيتلك ناس نزلت من الميكروباص ونزلوا ضرب فى واحد
بتاع 5 ولا 6
ولا اكنهم لاقيوا كنز وعاوزين ياخدوا منه
مسكوة يا عينى ضربوة ضرب
ال اية حرامى
اوباااااااااااااااااااااااااااااااا
حرامى حرامى
لغاية هنا وافتكرت مشهد من فيلم 
"لصوص لكن ظرفاء"
لما كنا البغبغاء يقول لمارى منيب
حرامىىىىىىىى 
حرامىىىىىىىى
صوته بشكلة بشكل مارى منيب لما كان يجلها نوبة القلب وتقع 
فوقيت بقى لقيت حاجة غريبة شوية
لقيت اللى كان بينضرب
ربنا نفخ فى صورتة ونازل ضرب فى اللى كانوا بيضربوة
وعرفت فيما بعض ان الحكاية كانت هزار فى هزار
وان الموضوع كان بس نوع من انواع الدعابة 
ولكن ما حدث كان شى مرعب 
ولا يتصورة او يتخيلة عقل
لية بقى
امة لا اله الا الله اتجمعت حوالية 
وهات يا ضرب
ماتقوليش عمل واتعملهم
ماتسيبوا لاراجل
اللى مسكوة بس اللى يضربوة
واصلا لية يضربوة
حرامى صح
خلاص يبلغوا البوليس ويجى يتصرف معاه
او ينادوا لشاويش او او عسكرى 
انما يضربوة بالطوب وبالحزام وبحاجات غريبة
لية يعنى
مش بنى ادم
انما لا
انامش ببرر الموقف
او اللى خلاة يسرق ولكن
لية تضرب واحد بالمنظر دا
وبعد كدة يقولك  اصله حرامى
تفتكروا يعنى هوة بس اللى حرامى
ولا ................
ولا بلاش خلينا ساكتين وندخل ننام احسن
اه صحيح ماتنسويش
تفكروا فى ولا....................

2 مارس 2009

المريلة الكحلى

يا بنت يا ام المريلة كحلي 

يا شمس هاله و طاله من الكوله

 لو قلت عنك في الغزل قوله 

ممنوع عليا ولا مسموحلي

أنا أحب أقول الشعر في الحلوين 
و الحلو أقوله يا حلو في عيونو
 و لو ابتديت بشفايفك النونو
 ما يكفنيش فيهم سبع دواوين
يا ملاك يا جنيه يا ست الحسن
 يعجبني توهانك في أحلامك 
يعجبني شد الخصر بحزامك 
يعجبني أخذك للكتب بالحضن
راحوا الصبايا و الصبايا جم
 أجمل ما فيهم مين غير بنتي
 و أجمل ما فيكي يا بنتي ان انتي
 في عينيكي من ننتي حنان الأم
===========
غناها محمد منير بصوته 
وكلمات عمنا صلاح جاهين
الحان مدحت الخولى 
وتوزيع طارقمدكور
بس لما اسمع الاعنية دى انى عاوز احضن حبيبتى قوى واكى فى حضنها قوى

حكاية زوجين مبسوطين1

وقع فى حبها منذ اللحظة الاولى ولم يملك كل الامكانيات التى هى بالاهمية الكبرى من ان يتم حلمه ؟
وهوة ان يحتضن حبيبته بدون خوف او قهر ولكن ماذا يفعل ؟ 
بداء الحفر فى الصخر فعل كل ما يمكن ان يتم ويمكن عمله وكان يعمل اكثر من عمل فى اليوم يعمل 3 اعمال فى يوم واحد وعدد ساعاته 24 ساعة كان يرى حبيبته امامة بانها هدف وحلم وانه يريد ان يحققة مهما كانت الظروف . وكان عندما يقابلها كان يحفذها بكل كلمات التحفيذ 
حبيبتى سنكون اسعد زوجين بس ساعدينى 
حبيبتى انا لمن افعل كل ذلك 
حبيبتى احبك ارجوكى لا تتركينى بمفردى فى منتصف الطريق 
وكان يفرح فرحا شديدا جدا عندما يجدها تقول لة 
كيف اتركك وانت قلبى 
من يوم ما رايتك وانا افعل كل ما استطيع فعله من اجلك 
يا حبيبى مهما كانت الظروف ساكون لك 
كم كانت تلك الكلمات تشجعة وتعطية ارتياح للعمل المتواصل لايام طويلة جدا كم كانت تلك الكلمات موثرة بالفعل فانها كانت بمثابة عامل السحر فى حياته 
كان بعدها يجرى فى الشارع ويقول 
انا بحب 
انا بحب 
انا بحب 
ويبكى ولا يدرى من اى شى يبكى
هل من شدة الحب
ام من فقدان حبيته التى هيا كل شى فى حياته
وتضحك الناس واخرى تبكى من فرحته الشديدة حلم بحبيبته ويحاول ان يصل اليها كملكة متوجة 
وبعد شهور طويلة من العمل الدؤب والصبر والحب يطلب من والدها ميعاد ولا يقول لها اراد ان يفاجها بانه فى بيتها الان ليطلب من والدها يدها وتذهب بيته هو 
واذا به على سلالم المنزل اذا به يكلمها 
حبيبتى انا بعد دقائق معدودة ساكون فى طريقى لانفذ حلمى وحلمك بعد دقائق 
ساكون فى بيتك حبيبتى 
احبك 
واكبر دليل وجودى الان 
احبك من الان لن اقولها لك بتلك الرعشة بل ستكون بعد ذلك بكل القوة 
حبيبتى انتظرينى
فكما وعدتك بوجودى بجوارك انفذ ذلك الان وينهى المكالمة كما تعودوا 
استودعك الله

19 فبراير 2009

3 عباقرة وواحد اسطورة "الحلقة الثانية"

الاسم التانى مين بسرعة 
رزان
رزان شخصية عبقرية وذكية بما يسمى الذكاء الاجتماعى
يعنى اية 
رزان من الشخصيات اللى ممكن تحكيلها على اى شى 
سر،
كلام، 
مهما كان 
وساعة ما تخلص كلامك 
هاتسمع اجابة او اقتراح او ما شابه ذلك
اولا يعطيك المفيد فى هذا الموقف او الموضوع
ثانيا 
تعطيك انطباعا خاصا بانك صح ولازم تكمل ولازم تكون واثق من نفسك 
ثالثا ودا الاهم
تحس ان هناك روح بتشاركك هذا الشئ 
مع العلم ان ممكن ماتكونيش مهم قوى عندها
رزان
عايشة فى سويسرا
واغلب اوقاتها هناك
ماعرفيش تفاصيل كتير عنها
لا
بس كل اللى اعرفه 
ان حد بحترمة قوى وبقدره قوى قوى قوى
ولو مهما حصل مش ممكن ازهق من الحديث معاها
بحس وهيا بتتكلم بالتشويق والامتاع 
وكانها قادمة فقط من اجلك
من اجل ان تعطيك روحا اضافية على روحك
شخصية يجب ترقق قلبك لها
لانها ليست من الشخصيات الصعبة التى تتحدث ولا تستجيب
لا
رزان لو اتكلمت معاها باحترام
تحترمك وتساعدك 
رزان تعليمها غير مصرى
وحد يقولى ومالة 
اقوله لا
تعليمها غير مصرى يعنى مافيش التعقيد الموجود عندنا دا
مافيش كمية الكتب دى كلها
مافيش الحاجات الغريبة اللى بنشوفها فى المدارس دى
تعليم اجنبى يعنى
مخ انضف بكتير
احترام لقيمة التعليم والثقافة
مثلا من كام يوم كنت باسمع بيتوفين
السيمفونية التاسعة 
ورزان ماكنتيش موجودة
ولما دخلت قلتلها تاخدى تسمعى بيتهوفين
قالتلى دى من احلى المقطوعات اللى بحب اسمعها
الجملة دى بالرغم من البساطة فيها
بس ليها معانى
اولها انها  بتسمع لحد تقريبا الناس بتتريق عليه 
لية مش عارف
ثانيا بتسمع حاجات تنضف الودان 
مش تقولى ارجعلى وماترجعليش
ثالثا 
تفتكر اللى هايسمع موسيقى بحجم موسيقى بيتهوفين هايكون شخصية عادية
طبيعية
لا
رزان شخصية يجب عليك ان تحترمها
فهيا شخصية محترمة لنفسها جدا
ويجب عليك ان تقدر تلك الشخصية
والا ستخسر التحدث معها فترة طويلة جدا
تحياتى رزان وبالتوفيق 
اخوكى وياليتنى اكون كذلك!!!!!!

17 فبراير 2009

دقيقة تفكير

يا ترى ممكن اعمل اية بعد 100سنة
يا ترى بعد المدة دى فى حد هايفتكرنى
مين دا وهايقول اية
طب انا عملت حاجة كويسة
يارب اعمل حاجة مفيدة للناس كلها بس يا ترى اية هيا!!!!!!!!!!!!!!!

15 فبراير 2009

3 عباقرة وواحد اسطورة "الحلقة الاولى"

3 عباقرة وواحد اسطورة وصلحوه
ماتستغربويش من الاسم 
دا مش اسم دى حقيقة
الاسامى
راندا - رزان - امنة
والاسطورة امانى
مش ملاحظين ان الاسامى كلها فيها حرم النون
باين كدة حرف الاساطير ولا اية
نمسكهم بقى وحدة واحدة
راندا عبقرية قديمة شوية 
يعنى كانت وكان حرف مجرور بالنصب على اسم مفعول به منصوب ايضا 
يا عم سيبك من كان واخواتها 
انا بقولك راندا عبقرية من طراز رفيع قوى  قوى
شخصية غير بقية الشخصيات
تعليمها كان له اثر كبير قوى فى مسارها الفكرى 
انسانة بكل ما تحمله الكلمة من معنى
وفى نفس الوقت عقلية فذة 
المشكلة عند راندا انك لازم تفهم الكلام كويس
يعنى ممكن تقولك 
"شكرا"
شوف سهلة ازاى 
سهلة قوى
ولكن هيا ماتقصديش شكرا
اقولك ازاى
ممكن تقصد شكرا بتاعتنا 
اللى هيا شكرا يا عم
وممكن تقصد شكرا اللى هيا تريقة 
وممكن تقصد شكرا اللى هيا شكرا بغل
وممكن تقصد شكرا اللى هيا شكرا وماشوفيش وشك تانى
يعنى
تحس ان شكرا دى ليها مليون معنى
وخصوصا بقى كمان لو قالتلها وتكون اخر الكلام 
يبقى هاتعقد تفكر فى شكرا دى بتاع يوم كامل من اوله لاخره
وخد بالك كويس ان الكلام مبنى على بعضه يعنى  لو شكرا دى طلعت غير شكرا اللى هيا تقصدها انت هاتلخبط ويبقى المفروض تعيد تفكيرك تانى
يعنى من الاخر كدة
تبطل تتكلم احسن
انما الاساس الاحلى والانعش عند راندا واللى مخلينى اقول عليها عبقرية 
انها كان لها التاثير الاكبر والابرز فى ادخال الثقافة العالمية لنا
بمعنى
راندا بتعمل اية
كل يوم تقول صباح الخير
تقولى واية يعنى
اقولك لا
صباح الخير دى معناها انكوا اسرة واحدة 
ومثلا تعملك توبيك بتاع قهوة
"اة من التوبيك دا ماحديش يصدق انى كل شوية يشوفه جايبلك بتاع 50 طريقة لعمل القهوة مع انها قهوة بتاعتنا بتتشرب وخلصنا يعنى "
مثلا تعملك توبيك عن الشخصيات اللى اثرت فى تاريخ العالم 
وكل يوم تمسكلك شخصية فريدة جدا من نوعها
فتحس انها فعلا بتدخلك افكار مش بتاعتنا
افكار للتقدم 
مش للتاخر
افكار فعلا محترمة جدا ويجب ان ننتعلم منها الكثير والكثير
وهذا ما حدث بالفعل 
ويا ما كان نفسى اتكلم معاها ولكن كانت ردودها تقفل اى كلام 
فبعقد ساكت وبس
ابعث اليكى رسالة شكر وعرفان وتقدير واحترام راندا

مشوار الحب's Fan Box

مشوار الحب on Facebook

المتابعون

قائمة المدونات الإلكترونية

أرشيف المدونة الإلكترونية